Kom i gang med Samtykkr

1. 1Installer Samtykkr frå WordPress.org, eller last opp utvidinga under Utvidingar, Legg til utviding, Last opp utviding.
2. 2Aktiver utvidinga.
3. 3Gå til Innstillingar, Samtykkr, og fullfør vegvisaren på fire steg: språk, tenester, utsjånad, førehandsvising.
4. 4Aktiver. Banneret blir no vist for besøkjande, med lov-korrekte standardval allereie på plass.

Samtykkr blokkerer alle ikkje-nødvendige skript og informasjonskapslar til den besøkjande har samtykt. Det skjer på to måtar, i lag:

• Native gating: skript du sjølv legg inn blir merka med eit data-attributt og aktivert utan ny sidelast når kategorien får samtykke.
• Automatisk blokkering: skript og iframes frå kjende sporingstenester blir nøytraliserte før dei køyrer, basert på ei kuratert liste, og gjenoppretta ved samtykke.

Google Consent Mode v2 blir sett til denied for alt utanom det nødvendige, og oppdatert til granted når den besøkjande samtykkjer. Vi køyrer Basic mode, så ingen data blir sende til Google før samtykke.

Kvart val blir lagra i ein dataminimert samtykkelogg i din eigen WordPress-database, som bevis. Rå IP blir aldri lagra. Dataa forlèt aldri serveren din.

Alt blir styrt frå Innstillingar, Samtykkr:

• Vegvisar: vel språk (bokmål eller nynorsk, med engelsk reserve), kva for tenester nettstaden bruker, og utsjånad. Godta og Avvis er alltid like store, det kan ikkje endrast.
• Eigen banner-tekst: overstyr ingressen med dine eigne ord, til dømes om de ikkje sporar i det heile.
• Eigarinformasjon: namn, adresse, org.nr og kontakt, som blir vist i cookie-erklæringa.
• Varigheit: kor lenge eit samtykke gjeld før det blir spurt på nytt (standard 180 dagar).

Set inn den auto-genererte, lagvise cookie-erklæringa på ei side med kortkoden [samtykkr_erklaering], eller bruk blokka Samtykkr cookie-erklæring i blokkredigeraren.

Erklæringa blir generert frå tenestene du har aktivert og oppdaterer seg sjølv. Ho inneheld eigar og kontakt, kva ein informasjonskapsel er, kor lenge dei blir lagra, korleis ein avviser eller slettar dei, og korleis ein endrar samtykket. Ein permanent Administrer informasjonskapslar-knapp er alltid tilgjengeleg nedst til venstre.

Pro er ei eiga, betalt utviding som blir installert ved sida av den gratis utvidinga. Kjøp ein lisens på app.samtykkr.no, så får du ein lisensnøkkel. Installer Pro-utvidinga, og lim inn nøkkelen under Innstillingar, Samtykkr Pro. Pro oppdaterer seg sjølv frå skya, så du treng aldri laste ned ein ny versjon manuelt. Frå skydashbordet styrer du utsjånaden og språket til banneret og sender ein kundeprofil ut til kvar einskild nettstad. Éin konto og nøkkel dekkjer opptil talet på nettstader i planen din; legg til nye nettstader, og den sentrale konfigurasjonen når dei. Pro legg til:

• Personvern og informasjonskapslar som lesbare dokument med faner rett i banneret.
• Skannar som går gjennom sidene og føreslår tracker-kategorisering (rett i Pro-innstillingane).
• Kjøpsvilkår-mal for nettbutikkar, redigert i dashbordet og vist på butikken sitt eige domene.
• Ferdige footer-sider med eitt klikk: Personvern, Informasjonskapslar og Kjøpsvilkår (kortkodane [samtykkr_personvern], [samtykkr_cookies], [samtykkr_vilkar]).
• Per-side utsjånad (farge, tema, posisjon, språk) styrt sentralt per kunde.
• Automatiske oppdateringar av den kuraterte tracker-databasen.
• Audit-rapport for dokumentasjon.
• Sentral styring frå skydashbordet: utsjånad, språk og kundeprofil per nettstad.
• Multi-site og samlefakturering for byrå.
• White-label: fjern eller byt ut merket. Berre på Byrå og enterprise; Pro og Professional viser alltid Sikra av Samtykkr-merket.

Berre aggregerte samtykketal blir sende til skya. Individuelle samtykkepostar forlèt aldri nettstaden. prisar ta kontakt.